حکومت مافیاز کیلیے کسانوں کا استحصال کررہی ہے،پی سی پی گندم امپورٹ اسیکنڈل میں ملوث افراد کونشان عبرت بنایا جائے،دانش چنہ کسان خوشحال ہو گا تو پاکستان خوشحال ہوگا۔پاکستان کنزرویٹیو پارٹی کسانوں کے شانہ بشانہ کھڑی ہے
کنزرویٹیو پارٹی پاکستان کے قیام کا مقصد اسلامی جمہوریہ پاکستان میں نظام مصطفیٰ ﷺ کا نفاذ ہے
قومی سلامتی کے ادارے جو ہماری جغرافیائی سرحدوں کی حفاظت کے ساتھ ساتھ ہماری نظریاتی سرحدوں کے بھی محافظ ہیں
ضلع ژوب کے علاقے سمبازہ میں آپریشن کے دوران میجر بابر خان نیازی کےشہید ہونے پر گہرے دکھ اوررنج کا اظہار
معاشی بہتری کیلئے حکومتی سطح پر سادگی وقناعت اختیار کرنے فضول خرچی ،شاہ خرچی ،مفت خوری ،سود اوربدعنوانی ختم کرنا ہوگا
عوام ملک میں نفاذ نظام مصطفیٰ ﷺ کیلئے پاکستان کنزرویٹیو پارٹی کا ساتھ دے،وفد سے گفتگو
پاکستان کنزرویٹیو پارٹی کے بانی کنونیئر دانش چنہ نے کہا ہے کہ حکومت مافیاز کی جیبیں بھرنے کیلیے کسانوں کا استحصال کررہی ہے۔ نااہل حکومت نے گندم خریدنے سے انکار کرکے مافیا کے آگے گھٹنے ٹیک دیے ہیں جبکہ کسانوں کومافیا زکے رحم کرم چھوڑ دیا گیا ہے جو ناقابل قبول ہے۔ گندم امپورٹ اسیکنڈل کے قومی مجرم وزارتوں اور مراعات کے مزے لوٹ رہے ہیں۔ گندم امپورٹ اسیکنڈل میں ملوث افراد کونشان عبرت بنایا جانا چاہیے۔ پنجاب حکومت سے ہمارا مطالبہ کہ کسانوں سے فوری طور پر مناسب قیمت پر گندم خریدنا شروع کی جائے۔ کسان خوشحال ہو گا تو پاکستان خوشحال ہوگا۔پاکستان کنزرویٹیو پارٹی کسانوں کے شانہ بشانہ کھڑی ہے۔ ان خیالا ت کا اظہار انہوں نے سنٹرل سیکریٹریٹ میںسیاسی و سماجی رہنماءچودہری اکرم صابر کی قیادت میں ملنے والے وفد سے ملاقات میں کیا، پاکستان کنزرویٹیو پارٹی کے بانی کنونیئر دانش چنہ نے کہا کہ کنزرویٹیو پارٹی پاکستان کے قیام کا مقصد اسلامی جمہوریہ پاکستان میں نظام مصطفیٰ ﷺ کا نفاذ ہے ،کیونکہ یہی نظریہ پاکستان کا بنیادی مقصد تھا کہ اسلامی جمہوریہ پاکستان کو ایک فلاحی مملکت بنانا تھا جہاں اخوت و مساوات اور نظام عدل کا قیام اولین ترجیح تھی جہاں تمام شہریوں کو بلا تفریق زبان نسل اور مذہب سے بالاتر ہو کر بنیادی انسانی حقوق حاصل ہوں گے۔ انہوں نے کہا کہ نظریہ پاکستان کےساتھ وجود میں آنے والی ریاست اسلامی جمہوریہ پاکستان کو ایک فلاحی مملکت بنانے کے لیےپاکستان کنزرویٹیو پارٹی اپنا بھرپور کردار ادا کرے گی۔ انہوں نے مزید کہا کہ ہم ایسا پاکستان چاہتے ہیں جہاں نظام مصطفیٰ ﷺ کی روشنی میں تمام شہریوں کو برابری کے حقوق میسر ہوں، ہماری جماعت ملکی محافظوں کے ساتھ ہمیشہ رہے گی کیونکہ قومی سلامتی کے ادارے جو ہماری جغرافیائی سرحدوں کی حفاظت کے ساتھ ساتھ ہماری نظریاتی سرحدوں کے بھی محافظ ہیں۔انہوں نے بلوچستان کے ضلع ژوب کے علاقے سمبازہ میں آپریشن کے دوران میجر بابر خان نیازی کےشہید ہونے پر گہرے دکھ اوررنج کا اظہار کرتے ہوئے کہاہےکہ دہشت گردی کے خلاف سیکورٹی فورسز کی قربانیاں لازوال ہیں، میجر بابر خان کی وطن کے لئے قربانی کو کبھی فراموش نہیں کیا جاسکتا، دانش چنہ نے کہا کہ معاشی بہتری کیلئے حکومتی سطح پر سادگی وقناعت اختیار کرنے فضول خرچی ،شاہ خرچی ،مفت خوری ،سود اوربدعنوانی ختم کرنا ہوگا ۔آئی ایم ایف کی سخت شرائط کے تحت سودی قرضے عوام کیلئے نہیں حکمرانوں اورآئی ایم ایف ملازمین کیلئے ہیں البتہ ادائیگی عوام خون پسینہ ایک کرکے ادا کرتے ہیں ۔عوام کیلئے ملک دیوالیہ جبکہ حکمرانوں کیلئے اب بھی ملک میں کوئی معاشی بحران نہیں ،آئی ایم ایف کا عوام کو ریلیف دینے وحکمرانوں کی لوٹ مار شاہ خرچیوں بدعنوانی پر خاموشی سے ظاہر ہوتا ہے کہ آئی ایم ایف کو بھی بدعنوان لٹیرے پسند ہیں۔جن سے چھٹکارہ صرف نظام مصطفیٰ ﷺ مے نفاذ سہی مل سکتا ہے۔کیونکہ مسائل کا حل آئی ایم ایف کے پاس نہیں صرف انقلاب نظام مصطفیٰﷺ میں ہے ،لہذا عوام ملک میں نفاذ نظام مصطفیٰ ﷺ کیلئے پاکستان کنزرویٹیو پارٹی کا ساتھ دے۔
جاری کردہ:میڈیا سیل,پاکستان کنزرویٹو پارٹی
