حیدرآباد ( ای این آئی) پولیس کو حیدرآباد کے مختلف ڈاکٹرز کی جانب سے شکایت موصول ہوئی کہ انہیں کوئی انجان شخص واٹس ایپ کے ذریعے بھاری رقم بھتہ کے طور پر مانگ رہا ہے جو اپنا تعلق انڈر ورلڈ ڈان D کمپنی سے بتا رہا ہے اور بھتہ نہ دینے کی صورت میں سنگین نتائج کی بھی دھمکیاں دے رہا ہے
ایس ایس پی حیدرآباد ڈاکٹر فرخ علی نے ایسی شکایت پر SHO تھانہ B-سیکشن انسپیکٹر طاہر حسین مغل، SHO قاسم آباد سب انسپیکٹر شوکت علی ملوخانی اور سب انسپیکٹر انجم ابرار مغل پر مشتمل ایک ٹیم تشکیل دی جنہیں اس کیس کو ٹریس کرنے اور ملزم کی گرفتاری کا ٹاسک سونپا گیا۔
انسپکٹر طاہر حسین مغل، سب انسپیکٹر شوکت علی ملوخانی اور سب انسپیکٹر انجم ابرار مغل نے مشترکہ طور پر اس کیس پر کارروائی کا آغاز کیا ۔
پولیس نے جدید ٹیکنالوجی اور اپنی محکمانہ صلاحتیوں کو بروکار لاتے ہوئے بھتے کی دھمکیاں دینے والے ملزم کو انتہائی قلیل وقت میں گرفتار کرلیا ۔
گرفتار ملزم کی شناخت مظفر احمد سندھو پنجابی کے نام سے ہوئی۔
ملزم نے اپنے بیان میں اپنے جرم کا اعتراف کیا اور مزید بتایا کہ وہ عرصہ دراز سے میڈیسن کے کاروبار سے وابستہ تھا لیکن کچھ ماہ سے بے روزگار تھا میڈیسن کاروبار کے باعث ڈاکٹرز سے اچھی واقفیت رکھتا اور انکے متعلق اچھی جانکاری رکھتا تھا اسلیے ملزم نے ڈاکٹرز کو دھمکا کہ ان سے بھاری رقم انڈر ورلڈ ڈان D کمپنی کے نام سے طلب کی، ملزم نے اپنے ساتھ کام کرنے والی ایک لڑکی کے موبائل نمبر سے خفیہ طور پر واٹس ایپ اکاؤنٹ بنایا جس کے ذریعے حیدرآباد کے مختلف اور معروف ڈاکٹرز کو دھمکیاں دینا شروع کی
حیدرآباد کے مختلف اور معروف ڈاکٹرز کی جانب سے تھانہ قاسم آباد، تھانہ کینٹ اور تھانہ ہٹڑی میں بھتہ طلب کرنے اور نہ دینے کی صورت میں جان سے مانے کی دھمکیاں دینے کے الزامات پر مقدمات درج کرلیے گئے ۔
زیر حراست ملزم سے پولیس کی مزید انویسٹیگیشن جاری .
