حب ( نمائندہ ای این ائی نیوز ) سول سوسائٹی کے چیئرمین مولوی محمد یعقوب ساسولی نے اپنے ایک بیان میں کہا کہ الیکٹرک انتظامیہ کی جانب سے حب کے غریب عوام پر ایف آئی اے کی ٹیم کے ساتھ حملہ آور ہونا اور دھاواء بولنے کے عمل پر سخت تنقید کرتے ہوئے کہا ھے
کہ حب سٹی میں بجلی کہاں ھے جو کے الیکٹرک نے کنڈا ہٹائو مہم اچانک شروع کردیا ھے حب کے غریب شہریوں اور چھوٹے تاجروں کو بلا وجہ ڈرانے دھمکانے کا سلسلہ شروع کر دیا ھے یہاں 20 گھنٹے بجلی نھیں ھے اور اوپر سے کے الیکٹرک کی بدمعاشی چل رہی ھے اور ایف آئی اے فورس جس کا کام ھے ملک دشمنوں غیر قانونی طور ملک کی دولت باہر منتقل کرنے والوں کے خلاف سرگرم عمل ہونا ھے اس کو ایک بدنام زمانہ کرپٹ ادارہ کے الیکٹرک نے اپنے مفادات اور عوام کو ڈرانے کے لئے استعمال کر رہا ھے کیا مقامی پولیس یہ کام نھیں کرسکتی ھے جو ایف آئی اے کو استعمال کیا جارھا ھے اس وقت سب سے زیادہ بقایہ جات صنعت کاروں اور سرکاری اداروں پر ھیں اور بجلی کی بڑی چوری میں یہی ملوث ہیں لیکن افسوس وہاں کے الیکٹرک اور ایف آئی اے کے افسران چھاپہ نھیں مارتے صرف غریب عوام جس کے گھر میں مشکل سے دو پنکھے ہوں گے ان کو ہراساں کیا جارھا ھے اور واہ واہ حاصل کرنے کے لیے ان پر بھاری جرمانے اور مقدمات قائم کیئے جارھے ھیں جو ایک افسوسناک امر ھے ناقابل برداشت ھے حب کے عوام اور تاجران اس کے خلاف میدان میں آئیں حب سول سوسائٹی ان کے ساتھ ھے حب سول سوسائٹی مشیر برائے صنعت و حرفت میر علی حسن زھری صاحب سے اپیل کرتی ھے کہ اس سخت گرمی میں کے الیکٹرک کے اس نارواء سلوک کا نوٹس لیکر ان کو اس ظلم سے روکے اور حب کے عوام پر سے لوڈشیڈنگ کا سلسلہ ختم کرایا جائے
