آر سی پی ایچ حیدرآباد میں پاک چین دوستی کے 75 سال مکمل ہونے کی تقریب کا انعقاد
آر سی پی ایچ حیدرآباد میں 21 مئی 2026 کو پاکستان اور چین کے درمیان لازوال دوستی اور سفارتی تعلقات کے 75 سال مکمل ہونے کے موقع پر ایک پروقار تقریب کا انعقاد کیا گیا۔
تقریب میں افسران، اساتذہ، طلبہ اور عملے کے ارکان نے بھرپور شرکت کی اور پاک چین دوستی کو خراجِ تحسین پیش کیا۔ شرکاء نے پاکستان اور چین کے درمیان مضبوط تعلقات کو امن، ترقی، باہمی اعتماد اور تعاون کی روشن مثال قرار دیا۔
اس موقع پر تقاریر، خصوصی پیغامات اور مختلف سرگرمیوں کا اہتمام کیا گیا جن میں دونوں ممالک کے درمیان تعلیم، تجارت، ٹیکنالوجی، انفراسٹرکچر اور سی پیک سمیت مختلف شعبوں میں تعاون کو سراہا گیا۔
تقریب سے خطاب کرتے ہوئے آر سی پی ایچ حیدرآباد کی انتظامیہ نے کہا کہ پاک چین دوستی وقت کے ساتھ مزید مضبوط ہو رہی ہے اور یہ تعلق دونوں اقوام کے لیے ترقی اور خوشحالی کا ذریعہ ہے۔ انہوں نے کہا کہ ایسی تقریبات نوجوان نسل میں بین الاقوامی ہم آہنگی، بھائی چارے اور تعاون کے جذبے کو فروغ دیتی ہیں۔
تقریب کے اختتام پر پاکستان اور چین کی ترقی، خوشحالی اور دائمی دوستی کے لیے خصوصی دعا کی گئی۔
