Lکھاریاں(شاہد بیگ سے) جماعت اسلامی کھاریاں کے زیر اہتمام مین بس اسٹینڈ کھاریاں میں جماعت اسلامی پاکستان کے زیر اہتمام ممبرشپ ڈرائیو 2026 کے سلسلے میں ایک شاندار استقبالیہ جلسہ منعقد ہوا، جس سے حافظ نعیم الرحمن نے خصوصی خطاب کیا۔
اپنے خطاب میں انہوں نے “بدل دو نظام” کی تحریک پر زور دیتے ہوئے کہا کہ ملک میں حقیقی تبدیلی کے لیے عوام کو آگے بڑھ کر کردار ادا کرنا ہوگا۔ ان کا کہنا تھا کہ جماعت اسلامی ایک دیانتدار اور عوامی خدمت پر مبنی نظام کے قیام کے لیے جدوجہد کر رہی ہے، اور یہ وقت ہے کہ ہر باشعور شہری اس تحریک کا حصہ بنے۔
جلسے میں شہریوں کی بڑی تعداد نے شرکت کی اور جماعت اسلامی کی ممبرشپ مہم میں بھرپور دلچسپی کا اظہار کیا۔ مقررین نے اس عزم کا اظہار کیا کہ ملک میں انصاف، شفافیت اور خوشحالی کے لیے جدوجہد جاری رکھی جائے گی۔
منتظمین کے مطابق یہ استقبالیہ جلسہ ممبرشپ ڈرائیو 2026 کا اہم حصہ ہے، جس کا مقصد زیادہ سے زیادہ افراد کو جماعت اسلامی کے پلیٹ فارم سے جوڑنا اور ایک مضبوط و فعال معاشرہ تشکیل دینا ہے۔
About the Author
