عقلِ سلیم
سڑکوں کے محافظ عوام کے خدمت گار
رائٹر: سید سلیم شہزاد جیلانی
پنجاب پولیس کے ساتھ شانہ بشانہ ٹریفک وارڈنز بھی عوام کے جان و مال کے تحفظ اور سڑکوں پر قانون کی بالادستی کے لیے اہم کردار ادا کر رہے ہیں۔
تپتی دھوپ ہو یا موسلا دھار بارش، شدید گرمی ہو یا سردی، ہمارے پڑھے لکھے اور تربیت یافتہ نوجوان ٹریفک وارڈنز دن رات سڑکوں پر کھڑے ہو کر ٹریفک کو منظم کرنے، شہریوں کو قوانین سے آگاہ کرنے اور حادثات کی روک تھام کے لیے اپنے فرائض انجام دے رہے ہیں۔
مگر سوال ہم سے ہے!
کیا ہم بھی اپنی ذمہ داری پوری کر رہے ہیں؟
سرخ بتی کی خلاف ورزی، ون وے کی خلاف ورزی، تیز رفتاری اور دیگر ٹریفک قوانین کو نظرانداز کرنا صرف قانون شکنی نہیں بلکہ اپنی اور دوسروں کی زندگی کو خطرے میں ڈالنا ہے۔
یاد رکھیں!
ٹریفک وارڈن کا مقصد صرف چالان کرنا نہیں، بلکہ انسانی جان بچانا بھی ہے۔
جو نوجوان خود دھوپ اور بارش میں سڑک پر کھڑا ہو کر ہمیں محفوظ سفر کی تلقین کر رہا ہے، وہ ہمارے تعاون اور احترام کا مستحق ہے۔
آئیے ٹریفک قوانین کو جرمانے کے خوف سے نہیں بلکہ انسانی زندگی کی قدر کرتے ہوئے اپنائیں۔
قانون کا احترام کریں، ٹریفک وارڈنز سے تعاون کریں، اپنی اور دوسروں کی زندگی محفوظ بنائیں۔
ٹریفک وارڈنز کو سلام!
سڑکوں کے محافظ، عوام کے خدمت گار۔
رائٹر: سید سلیم شہزاد جیلانی
