کراچی:( رپورٹ محمد حسین سومرو) فیڈرل بی انڈسٹریل ایریا پولیس نے لیاری ندی پل، سہراب گوٹھ شاہراہِ پاکستان بلاک 21 کے قریب مقابلے کے بعد سبطین علی ولد مرید حسین کو زخمی حالت میں گرفتار کر لیا، جبکہ اس کا ساتھی فرار ہو گیا۔
گرفتار ملزم کے قبضے سے اسلحہ اور ایمونیشن برآمد کر لیا گیا۔ زخمی ملزم کو علاج کے لیے اسپتال منتقل کر دیا گیا ہے، جبکہ اس کے مجرمانہ ریکارڈ اور فرار ساتھی کی تلاش کے لیے کارروائی جاری ہے۔
