کراچی:( رپورٹ محمد حسین سومرو) ویسٹ، تھانہ گلشنِ معمار پولیس کا مسلح ڈکیت گینگ سے مقابلہ، 4 ملزمان گرفتار کر لیا، اطلاع کے مطابق چوکی افغان کیمپ کے علاقے سیکٹر 94، بابو پتانی اسٹاپ کے قریب دو طرفہ فائرنگ کے نتیجے میں 2 ملزمان زخمی جبکہ 2 کو بلاضرب گرفتار کرلیا گیا۔
گرفتار ملزمان کی شناخت آصف، شاہد، رحمت اللہ اور محمد آغا کے نام سے ہوئی۔ ملزمان سے 2 غیر قانونی پستول بمعہ ایمونیشن، چلیدہ خول، موبائل فونز اور نقدی برآمد ہوئی، جبکہ زیرِ استعمال 2 موٹرسائیکلیں بھی قبضے میں لے لی گئیں۔
زخمی ملزمان کو طبی امداد کے لیے اسپتال منتقل کیا جا رہا ہے، جبکہ مزید قانونی کارروائی اور تفتیش جاری ہے۔
